തിരുവനന്തപുരം: സംസ്ഥാനത്ത് ആദ്യഘട്ട തദ്ദേശ തെരഞ്ഞെടുപ്പ് നടക്കുന്ന അഞ്ചു ജില്ലകളിലെ കൊവിഡ് ബാധിതര്‍ക്കും ക്വാറന്റൈനിലുള്ളവര്‍ക്കുമുള്ള സ്‌പെഷല്‍ പോസ്റ്റല്‍ ബാലറ്റ് വിതരണം ബുധനാഴ്ച മുതല്‍ തുടങ്ങും. വോട്ടെടുപ്പിന് പത്തുദിവസം മുന്‍പ് മുതല്‍ തലേദിവസം മൂന്നുവരെ സ്‌പെഷല്‍ വോട്ടര്‍മാരുടെ സര്‍ട്ടിഫൈഡ് ലിസ്റ്റ് തയാറാക്കി ജില്ലാ തെരഞ്ഞെടുപ്പ് ഉദ്യോഗസ്ഥന് കൈമാറുമെന്ന് സംസ്ഥാന തെരഞ്ഞെടുപ്പ് കമ്മിഷണര്‍ വി. ഭാസ്‌കരന്‍ അറിയിച്ചു. ഈ ലിസ്റ്റ് അനുസരിച്ചാണ് സ്‌പെഷല്‍ ബാലറ്റ് വിതരണം ചെയ്യുന്നത്.