തിരുവനന്തപുരം: ജില്ലയിലെ മൂന്നു വാര്‍ഡുകളിലേക്കുള്ള ഉപതെരഞ്ഞെടുപ്പ്  നടന്നു. തിരുവനന്തപുരം കോര്‍പറേഷനിലെ പാപ്പനംകോട്, വെട്ടൂര്‍ ഗ്രാമപഞ്ചായത്തിലെ അക്കരവിള, തൊളിക്കോട് ഗ്രാമപഞ്ചായത്തിലെ തോട്ടുമുക്ക് എന്നിവിടങ്ങളിലേക്കാണ് വോട്ടെടുപ്പ് നടന്നത്.  
തോട്ടുമുക്ക് വാര്‍ഡിലായിരുന്നു ഉയര്‍ന്ന പോളിങ് ശതമാനം.ഇവിടെ 76.38 ശതമാനം പേര്‍ വോട്ട് രേഖപ്പെടുത്തി. ആകെയുള്ള 1681 വോട്ടര്‍മാരില്‍ 1284 പേര്‍ സമ്മതിദാനാവകാശം വിനിയോഗിച്ചു. ഇതില്‍ 551 പേര്‍ പുരുഷന്‍മാരും 733 പേര്‍ സ്ത്രീകളുമാണ്.
പാപ്പനംകോട് വാര്‍ഡില്‍ ആകെയുള്ള 9373 വോട്ടര്‍മാരില്‍ 3124 പുരുഷവോട്ടര്‍മാരും 3295 സ്ത്രീവോട്ടര്‍മാരുമുള്‍പ്പെടെ 6419 പേര്‍ വോട്ടുരേഖപ്പെടുത്തി (68.48 ശതമാനം). അക്കരവിള വാര്‍ഡില്‍ ആകെയുള്ള 1366 വോട്ടര്‍മാരില്‍ 999 പേര്‍ വോട്ടുരേഖപ്പെടുത്തി (73.13 ശതമാനം). ഇതില്‍ 386 പേര്‍ പുരുഷന്‍മാരും 613 പേര്‍ സ്ത്രീകളുമാണ്.
പാപ്പനംകോട്് വാര്‍ഡിലെ വോട്ടെണ്ണല്‍ സ്വാതിതിരുനാള്‍ സംഗീതകോളജിലും തോട്ടുമുക്ക്  വാര്‍ഡിലേത് വെള്ളനാട് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലും അക്കരവിള വാര്‍ഡിലേത് വര്‍ക്കല എസ്.എന്‍. കോളേജിലും ഇന്ന്  രാവിലെ എട്ടുമണിക്ക് ആരംഭിക്കും.