കോഴിക്കോട്: പാരമ്പര്യ ചികിത്സാ സമ്പ്രദായത്തെ തകര്‍ക്കാനുള്ള പ്രവര്‍ത്തനങ്ങളെ ചെറുക്കുമെന്ന് പാരമ്പര്യ കളരിമര്‍മ നാട്ടുവൈദ്യ ഫെഡറേഷന്‍ (എസ്.ടി.യു) സംസ്ഥാന കൗണ്‍സില്‍ യോഗം ചൂണ്ടിക്കാട്ടി. എസ്.ടി.യു സംസ്ഥാന പ്രസിഡന്റ് അഹമ്മദ്കുട്ടി ഉണ്ണികുളം ഉദ്ഘാടനം ചെയ്തു.

ഫെഡറേഷന്‍ സംസ്ഥാന പ്രസിഡന്റ് അഡ്വ. എം. റഹ്മത്തുല്ല അധ്യക്ഷനായി. സംസ്ഥാന ജനറല്‍ സെക്രട്ടറി ടി.എം.സി അബൂബക്കര്‍ റിപ്പോര്‍ട്ട് അവതരിപ്പിച്ചു. വല്ലാഞ്ചിറ മജീദ്, വേളാട്ട് അഹമ്മദ് പ്രസംഗിച്ചു. ഭാരവാഹികള്‍: അഡ്വ. എം. റഹ്മത്തുല്ല (പ്രസിഡന്റ്), ടി.എം.സി അബൂബക്കര്‍ (ജന.സെക്രട്ടറി), പി.കെ.അബ്ദുള്ള ഹാഷിമി (ട്രഷറര്‍).