മനാമ: പ്രമുഖ മത ഭൗതിക സമന്വയ സ്ഥാപനമായ ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിയുടെ പ്രചാരണ കണ്‍വന്‍ഷന്‍ ബഹ്‌റൈനില്‍ നടന്നു. ബഹ്‌റൈനില്‍ രൂപീകൃതമായ ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി ബഹ്‌റൈന്‍ ചാപ്റ്റര്‍ ഉമ്മുല്‍ ഹസം ബാങ്കോക്ക് റസ്റ്റോറന്റ് ഹാളിലാണ് കണ്‍വന്‍ഷന്‍ സംഘടിപ്പിച്ചത്.

സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്‌റുദ്ധീന്‍ കോയ തങ്ങള്‍ ഉദ്ഘാടനം ചെയ്തു. ദീനീ സ്ഥാപനങ്ങളെ സഹായിക്കുന്നതിലൂടെ മരണാനന്തരവും വിശ്വാസികള്‍ക്ക് പ്രതിഫലം നേടാമെന്ന് അദ്ദേഹം ഓര്‍മപ്പെടുത്തി.

തുടര്‍ന്ന് പ്രമുഖ വാഗ്മിയും യുവ പണ്ഢിതനുമായ ഉസ്താദ് ഖലീല്‍ ഹുദവി തളങ്കര മുഖ്യപ്രഭാഷണം നടത്തി. അബ്ദുറഊഫ് ഫൈസി ചെമ്മാട്, മസ്ത ജന.സെക്രട്ടറി എസ്.എം അബ്ദുല്‍ വാഹിദ്, ട്രഷറര്‍ വി കെ കുഞ്ഞു മുഹമ്മദ്ഹാജി, കെ.എം.സി.സി പ്രസിഡന്റ് എസ് വി. ജലീല്‍, സൈദലവി മുസ്‌ലിയാര്‍ അത്തിപ്പറ്റ, അബ്ദുല്‍ കാദര്‍ ഉസ്താദ് വേങ്ങര, എ.പി ഫൈസല്‍ വില്യാപ്പള്ളി, കരീം വില്യാപ്പള്ളി, മാനു ഹാജി,മൗസല്‍ മൂപ്പന്‍ തിരൂര്‍, റിയാസ് പുതുപ്പണം എന്നിവര്‍ പങ്കെടുത്തു.