തേഞ്ഞിപ്പലം: മതവിദ്യാഭ്യാസ രംഗത്ത് നൂതനവും ശാസ്ത്രീയവുമായ പഠനപദ്ധതികളുമായി, സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ സംഘടിപ്പിക്കുന്ന സാരഥീസംഗമം 24ന് രാവിലെ 9ന് ചേളാരി മുഅല്ലിം ഓഡിറ്റോറിയത്തില്‍ നടക്കും. 470 റെയ്ഞ്ചുകളിലെ പ്രസിഡന്റ്, സെക്രട്ടറി, ട്രഷറര്‍, പരീക്ഷാ ബോര്‍ഡ് ചെയര്‍മാന്‍, മദ്‌റസാ മാനേജ്‌മെന്റ് പ്രസിഡന്റ്, സെക്രട്ടറി എന്നിവര്‍ സംഗമത്തില്‍ സംബന്ധിക്കും.

രാവിലെ 9ന് സമസ്ത കേന്ദ്ര മുശാവറ അംഗം എം.എം മുഹ്‌യിദ്ദീന്‍ മുസ്‌ലിയാര്‍ ആലുവ പതാക ഉയര്‍ത്തും. പാണക്കാട് സയ്യിദ് ഹൈദരലി ശിഹാബ് തങ്ങളുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സെന്‍ട്രല്‍ കൗണ്‍സില്‍ പ്രസിഡന്റ് സി.കെ.എം സ്വാദിഖ് മുസ്‌ലിയാര്‍ പ്രാര്‍ഥന നടത്തും.
സമസ്ത സെക്രട്ടറി കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. എസ്.കെ.എസ്.ബി.വി സുവര്‍ണ ജൂബിലി സുവനീര്‍ പി.കെ കുഞ്ഞാലിക്കുട്ടി എം.പി പ്രകാശനം ചെയ്യും. മെട്രോ മുഹമ്മദ് ഹാജി ഏറ്റുവാങ്ങും. മാതൃകാ മുഅല്ലിം അവാര്‍ഡ് എം.ടി അബ്ദുല്ല മുസ്‌ലിയാരും തിസീസ് മത്സര വിജയികള്‍ക്കുള്ള അവാര്‍ഡ് മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷണനും നല്‍കും.

മദ്‌റസാ സേവനരംഗത്ത് 50 വര്‍ഷം പൂര്‍ത്തിയാക്കിയ അധ്യാപര്‍ക്കുള്ള സുവര്‍ണ സേവന പുരസ്‌കാരം സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍, പി. അബ്ദുല്‍ ഹമീദ് എം.എല്‍.എ, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, വാക്കോട് മൊയ്തീന്‍കുട്ടി ഫൈസി, അബ്ദുല്ല മാസ്റ്റര്‍ കൊട്ടപ്പുറം, ഡോ. എന്‍.എ.എം അബ്ദുല്‍ ഖാദിര്‍, മോയിന്‍കുട്ടി മാസ്റ്റര്‍ വിതരണം ചെയ്യും.
തദ്‌രീബ് ഡയരക്ടര്‍ എസ്.വി മുഹമ്മദലി മാസ്റ്റര്‍, അബ്ദുല്‍ ഹമീദ് ഫൈസി അമ്പലക്കടവ് വിഷയാവതരണം നടത്തും. ഡോ. ബഹാഉദ്ദീന്‍ മുഹമ്മദ് നദ്‌വി, ഡോ. ബശീര്‍, സി.കെ.എം ശരീഫ്, എം. എ ചേളാരി, അബ്ദുറഹ്മാന്‍ മുസ്‌ലിയാര്‍ കുടക്, മൊയ്തീന്‍ മുസ്‌ലിയാര്‍ പുറങ്ങ്, കെ.കെ ഇബ്‌റാഹിം മുസ്‌ലിയാര്‍, എം.എം ഇമ്പിച്ചിക്കോയ മുസ്‌ലിയാര്‍, കെ.ടി ഹുസൈന്‍കുട്ടി പുളിയാട്ടുകുളം സംസാരിക്കും