ന്യൂഡല്‍ഹി: ജമ്മു കശ്മിരിലെ നൗഗാം മേഖലയില്‍ സൈന്യവുമായുണ്ടായ ഏറ്റുമുട്ടലില്‍ കൊല്ലപ്പെട്ട ഭീകരരില്‍ നിന്നും കണ്ടെടുത്തത് വന്‍ ആയുധശേഖരം. കൊല്ലപ്പെട്ട നാലു ഭീകരരും പരിശീലനം സിദ്ധിച്ചവരാണെന്നും അത്യാധുനിക സംവിധാനങ്ങളുമായാണ് ഇവര്‍ ആക്രമണം നടത്തിയതെന്നും സൈനിക ഉദ്യോഗസ്ഥര്‍ വ്യക്തമാക്കി.

എ.കെ 47 തോക്കുകള്‍, ഗ്രനേഡുകള്‍, വയര്‍ലെസ് സെറ്റുകള്‍, പാകിസ്താന്‍ നിര്‍മിത മരുന്നുകള്‍, ബൈനോകുലര്‍, വയര്‍ കട്ടര്‍ എന്നിവയെല്ലാമാണ് ഇവരില്‍ നിന്നും കണ്ടെടുത്തത്.

ഇവര്‍ ലഷ്‌കര്‍ ഇ തൊയ്ബ തീവ്രവാദികളാണെന്നാണ് അനുമാനം.

ശനിയാഴ്ച്ചയാണ് ജമ്മുകശ്മിരിലെ നൗഗാമില്‍ നുഴഞ്ഞുകയറാന്‍ ശ്രമിച്ച നാലു ഭീകരരെ സൈന്യം വധിച്ചത്. ഏറ്റുമുട്ടലില്‍ മൂന്ന് സൈനികര്‍ക്കും ജീവന്‍ നഷ്ടമായി.