തിരുവനന്തപുരം: സംസ്ഥാനത്തെ ആറ് നിയമസഭാ മണ്ഡലങ്ങളില്‍ ഉടന്‍ ഉപതെരഞ്ഞെടുപ്പ് നടക്കുമെന്ന് മുഖ്യതെരഞ്ഞെടുപ്പ് ഓഫിസര്‍ ടിക്കാറാം മീണ.
സ്പീക്കറുടെ അറിയിപ്പ് കിട്ടി. മറ്റ് സംസ്ഥാനങ്ങളിലെ നിയമസഭാ തെരഞ്ഞെടുപ്പിനൊപ്പം കേരളത്തില്‍ ഉപതെരഞ്ഞെടുപ്പ് നടക്കുമെന്നാണ് പ്രതീക്ഷ.വട്ടിയൂര്‍ക്കാവ് ഉപതെരഞ്ഞെടുപ്പുമായി ബന്ധപ്പെട്ട് കെ. മുരളീധരനെതിരേ ബി.ജെ.പി നേതാവ് കുമ്മനം രാജശേഖരന്‍ നല്‍കിയ കേസില്‍ നിയമോപദേശം തേടി. കെ. മുരളീധരന്‍ വട്ടിയൂര്‍ക്കാവിലെ എം.എല്‍.എ സ്ഥാനം രാജിവച്ചതിനാല്‍ ഉപതെരഞ്ഞെടുപ്പ് നടത്താന്‍ തടസമില്ലെന്നാണ് പ്രതീക്ഷ. മഞ്ചേശ്വരം തെരഞ്ഞെടുപ്പ് സംബന്ധിച്ച കേസില്‍ ഹൈക്കോടതിയില്‍ അന്തിമ തീരുമാനമായതിനുശേഷമെ ഉപതെരഞ്ഞെടുപ്പ് സംബന്ധിച്ച് പറയാന്‍ കഴിയൂവെന്നും അദ്ദേഹം പറഞ്ഞു.