നെടുമ്പാശേരി: രാജ്യാന്തര വിമാനത്താവളത്തില്‍ യാത്രക്കാരനില്‍നിന്ന് 25 ലക്ഷം രൂപ വില വരുന്ന അനധികൃതമായി കടത്താന്‍ ശ്രമിച്ച സ്വര്‍ണം കസ്റ്റംസ് പിടികൂടി.
കോഴിക്കോട് കൊടുവള്ളി സ്വദേശിയാണ് പിടിയിലായത്. ദോഹയില്‍നിന്ന് വന്ന ഖത്തര്‍ എയര്‍വെയ്‌സ് വിമാനത്തിലെ യാത്രക്കാരനായിരുന്നു ഇയാള്‍. 700 ഗ്രാം സ്വര്‍ണം കുട്ടികള്‍ കളിക്കാന്‍ ഉപയോഗിക്കുന്ന സ്‌കൂട്ടറിനകത്ത് ഒളിപ്പിച്ചിരിക്കുകയായിരുന്നു. എയര്‍കസ്റ്റംസ് ഇന്റലിജന്‍സിന്റെ പരിശോധനയിലാണ് സ്വര്‍ണം കണ്ടെത്തിയത്.