തിരുവനന്തപുരം: വിഴിഞ്ഞം പദ്ധതി സംബന്ധിച്ച് എല്‍.ഡി.എഫിന്റെ ആരോപണങ്ങള്‍ ശരിവയ്ക്കുന്നതാണ് സി.എ.ജി റിപ്പോര്‍ട്ടെന്ന് ധനമന്ത്രി ടി.എം തോമസ് ഐസക്. എങ്കിലും പദ്ധതി ഉപേക്ഷിക്കില്ലെന്നും മന്ത്രി പറഞ്ഞു. നിയമസഭയില്‍ ധനവിനിയോഗ ബില്ലിന്‍മേല്‍ നടന്ന ചര്‍ച്ചയ്ക്കു മറുപടി പറയുകയായിരുന്നു മന്ത്രി.
കഴിഞ്ഞ യു.ഡി.എഫ് സര്‍ക്കാരിന്റെ അവസാന കാലത്തെടുത്ത ഭൂമി സംബന്ധമായ വിവാദ തീരുമാനങ്ങള്‍ പരിശോധിക്കാന്‍ നിയോഗിച്ച മന്ത്രിസഭാ ഉപസമിതിയുടെ റിപ്പോര്‍ട്ടിന്റെ അടിസ്ഥാനത്തില്‍ പുനഃപരിശോധന നടത്തി അടിയന്തര നടപടികള്‍ കൈക്കൊള്ളും. ഈ വിഷയത്തില്‍ അടുത്ത മന്ത്രിസഭായോഗത്തില്‍ തന്നെ തീരുമാനമുണ്ടണ്ടാകും. സംസ്ഥാനത്തിന്റെ സാമ്പത്തിക ഭദ്രതയ്ക്ക് അടിത്തറ പാകുന്ന നടപടികള്‍ കഴിഞ്ഞ ഒരുവര്‍ഷം കൊണ്ടണ്ടു സര്‍ക്കാര്‍ പൂര്‍ത്തിയാക്കിയിട്ടുണ്ട്. 50,000 കോടി രൂപയുടെ നിര്‍മാണ പ്രവൃത്തികള്‍ പ്രഖ്യാപിച്ചു. 15,000 കോടിയുടെ നിര്‍മാണ പ്രവൃത്തികള്‍ക്കുള്ള ഫണ്ടണ്ട് അനുവദിച്ചു. ഉറച്ച ആത്മവിശ്വാസത്തോടെ സര്‍ക്കാര്‍ മുന്നേറുകയാണ്. കെട്ടിക്കിടക്കുന്ന 60 കോടിയുടെ കയര്‍ വില്‍ക്കാന്‍ വിപണി കണ്ടെണ്ടത്തും.