മുംബൈ: റാഫേല്‍ യുദ്ധവിമാനകരാറില്‍ പ്രധാനമന്ത്രി നരേന്ദ്ര മോദിയെ പ്രതിക്കൂട്ടിലാക്കി കോണ്‍ഗ്രസ് ആരോപണം ശക്തമാക്കുന്നതിനിടയില്‍ ഇതിന് വിരുദ്ധ സമീപനവുമായി എന്‍.സി.പി അധ്യക്ഷന്‍ ശരത് പവാര്‍. റാഫേല്‍ കരാറില്‍ മോദി ക്രമക്കേട് കാണിച്ചുവെന്ന് ജനങ്ങള്‍ വിശ്വസിക്കില്ലെന്ന് അദ്ദേഹം ഇന്നലെ മുംബൈയില്‍ പറഞ്ഞു. യുദ്ധ വിമാനങ്ങളുടെ സാങ്കേതിക വിവരങ്ങളെക്കുറിച്ച് വ്യക്തമാക്കണമെന്ന പ്രതിപക്ഷത്തിന്റെ ആവശ്യം ഇതേക്കുറിച്ച് അറിയാത്തതുകൊണ്ടാണെന്നും അദ്ദേഹം കൂട്ടിച്ചേര്‍ത്തു.