ദമാം: ജുബൈലിലെ ഡ്യൂണ്‍സ് ഹാളില്‍ വെച്ച് നടന്ന ജുബൈല്‍ ഫുട്‌ബോള്‍ ക്ലബ്ബിന്റെ ജനറല്‍ ബോഡി യോഗത്തില്‍ പുതിയ കമ്മിറ്റിയെ തിരഞ്ഞെടുത്തു. അനസ് വയനാട് അധ്യക്ഷത വഹിച്ചു. മെമ്പര്‍ഷിപ് അടിസ്ഥാനത്തില്‍ ചേര്‍ന്ന ജനറല്‍ ബോഡിയുടെ അംഗീകാരത്തോടെ, ചെയര്‍മാന്‍ ആയി അനസ് വായനാടിനെയും, പ്രസിഡന്റ് ആയി ജാനിഷിനെയും, ജനറല്‍ സെക്രട്ടറി ആയി ഷാഫിയെയും, ട്രെഷറര്‍ ആയി ഇല്യാസിനേയും തിരഞ്ഞെടുത്തു. വൈസ് പ്രസിഡന്റുമാരായി സജീര്‍, വിപിന്‍, ജോയിന്റ് സെക്രട്ടറിമാരായി ആസിഫ്, സുഹൈല്‍, എക്‌സിക്യൂട്ടീവ് കോഓര്‍ഡിനേറ്റര്‍ ആയി മുഷീര്‍, മീഡിയ കോഓര്‍ഡിനേറ്റര്‍ ആയി ശാമില്‍ ആനിക്കാട്ടില്‍, ടീം മാനേജര്‍ ആയി മുസ്തഫ തുടങ്ങിയവര്‍ അടങ്ങുന്ന 11 അംഗ കോര്‍കമ്മിറ്റിയും നിലവില്‍ വന്നു.
കൂടാതെ 14 അംഗ എക്‌സിക്യൂട്ടീവ് കമ്മിറ്റിയെയും തിരഞ്ഞെടുത്തു. ടെക്‌നിക്കല്‍ എക്‌സിക്യൂട്ടീവുകളായി അബ്ദുല്‍ സലാം മഞ്ചേരി, ഷെയ്ഖ്, വിനോദ്, ഫെബില്‍, ഷിജാസ്, മുഹമ്മദ്, ബിജു, അശ്വിന്‍, ജംഷീര്‍, ഫൈസല്‍ എന്നിവരെയും, ടീം കോച്ച് ആയി ഹെഗല്‍ ആരിഫിനെയും, സഹകോച്ചായി അന്‍സാറിനെയും, ടീം ക്യാപ്റ്റന്‍ ആയി ബെജസ്റ്റനെയും, വൈസ് ക്യാപ്റ്റന്‍ ആയി ശാമിലിനെയും തിരഞ്ഞെടുത്തു. ഷിജാസ് സ്വാഗതം പറഞ്ഞ ചടങ്ങിന് ഇല്യാസ് നന്ദി പറഞ്ഞു.