കോഴിക്കോട്: 'ഖുര്‍ആന്‍ സുകൃതത്തിന്റെ വചനപ്പൊരുള്‍' എന്ന സന്ദേശവുമായി നടത്തുന്ന റമദാന്‍ കാംപയിനിന്റെ സംസ്ഥാന തല ഉദ്ഘാടനം ഇന്ന് കളമശ്ശേരിയില്‍ നടക്കും. വൈകീട്ട് ഏഴിന് പി.ഡബ്ല്യു.ഡി റസ്റ്റ് ഹൗസ് ഓഡിറ്റോറിയത്തില്‍ നടക്കുന്ന പരിപാടി പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. കുവൈത്ത് കേരള ഇസ്‌ലാമിക് കൗണ്‍സില്‍, എസ്.കെ.എസ്.എസ്.എഫ് സംസ്ഥാന കമ്മിറ്റി മുഖേന നിര്‍ധന കുടുംബങ്ങള്‍ക്ക് നല്‍കുന്ന ഇഫ്താര്‍ കിറ്റിന്റെ വിതരോദ്ഘാടനം വി.കെ ഇബ്‌റാഹീം കുഞ്ഞ് എം.എല്‍.എ നിര്‍വഹിക്കും. ഓണംപിള്ളി മുഹമ്മദ് ഫൈസി, സയ്യിദ് ശഫീഖ് തങ്ങള്‍, നൗഫല്‍ കുട്ടമശ്ശേരി പ്രസംഗിക്കും.
കാംപയിനിന്റെ ഭാഗമായി നടക്കുന്ന സംസ്ഥാന തല ക്വിസിനുള്ള രജിസ്‌ട്രേഷന്‍ നാളെ അവസാനിക്കും. www.skssf.in  എന്ന വെബ്‌സൈറ്റിലാണ് ഓണ്‍ലൈന്‍ രജിസ്‌ട്രേഷന്‍ സംവിധാനിച്ചിട്ടുള്ളത്.

നിത്യരോഗികള്‍ക്ക് സഹചാരി ധനസഹായം നല്‍കുന്നു

കോഴിക്കോട്: സ്ഥിരമായി മരുന്ന് കഴിക്കുന്ന നിര്‍ധന രോഗികള്‍ക്ക് എസ്.കെ.എസ്.എസ്.എഫ് സംസ്ഥാന കമ്മിറ്റിക്ക് കീഴിലുള്ള സഹചാരി റിലീഫ് സെല്ലില്‍ നിന്ന് മാസാന്ത ധന സഹായം നല്‍കുന്നു. ആദ്യമായി അപേക്ഷിക്കുന്ന അര്‍ഹരായ മുന്നൂറ് രോഗികള്‍ക്കാണ് ധനസഹായം.
തുക രോഗിയുടെ വിലാസത്തില്‍ എം.ഒ ആയി അയക്കും. അപേക്ഷ ഫോറം www.skssf.in എന്ന വെബ്‌സൈറ്റില്‍ ലഭിക്കും.