മണ്ണാര്‍ക്കാട്: നാലു വയസ് പ്രായമുളള കറവ പശു ചത്തു. കുമരംപുത്തൂര്‍ ഗ്രാമപഞ്ചായത്ത് സൗത്ത് പളളിക്കുന്നിലെ വാളിയാടി വീട്ടില്‍ രാമന്റെ പശുവാണ് ഇന്നലെ രാവിലെ ചത്തത്.  പട്ടികജാതി കുടുംബാംഗമായ ഇവരുടെ ഉപജീവനമാര്‍ഗം കൂടിയാണിത്.
മരണ കാരണം പരിശോധിക്കാന്‍ മൃഗസംരക്ഷണ വകുപ്പ് അധികൃതരെ സമീപിച്ചെങ്കിലും ഇന്‍ഷുറന്‍സ് ഇല്ലാത്തത് കാരണം വരാന്‍ കഴിയില്ലെന്ന നിലപാടാണ് അധികൃതര്‍ സ്വീകരിച്ചതെന്നാണ് അറിയുന്നത്. ഇത് വന്‍ പ്രതിഷേധത്തിനിടയാക്കിയിട്ടുണ്ട്.