ലണ്ടന്‍: ഭീകരാക്രമണത്തെ ലോകനേതാക്കള്‍ അപലപിച്ചു. പരാജിതരുടെ ആക്രമണമാണിതെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് പറഞ്ഞു.  ഫ്രഞ്ച് പ്രസിഡന്റ് ഇമ്മാനുവല്‍ മാക്രോണും പ്രധാനമന്ത്രി എഡ്വേര്‍ഡ് ഫിലിപ്പും ആക്രമണത്തില്‍ അനുശോചിച്ചു. പ്രധാനമന്ത്രി നരേന്ദ്രമോദിയും നടുക്കം രേഖപ്പെടുത്തി.
 ചൈനീസ് പ്രസിഡന്റ് ഷീ ജിന്‍ പിങ് ബ്രിട്ടീഷ് രാജ്ഞി എലിസബത്തിനെ ഫോണില്‍ വിളിച്ച് അനുശോചനം അറിയിച്ചു. ആസ്‌ത്രേലിയന്‍ പ്രധാനമന്ത്രി മാല്‍കം ടേണ്‍ബുള്‍, ജര്‍മന്‍ പ്രസിഡന്റ് ഫ്രാങ്ക് വാല്‍ട്ടര്‍ സെന്‍മിയര്‍, യൂറോപ്യന്‍ കൗണ്‍സില്‍ പ്രസിഡന്റ് ഡൊണാള്‍ഡ് ടസ്‌ക്, ഇറ്റാലിയന്‍ പ്രധാനമന്ത്രി പൗളോ ജെന്റിലോണി എന്നിവര്‍ അനുശോചിച്ചു.