ബാലുശ്ശേരി: ഗാന്ധിയന്‍ ദര്‍ശനങ്ങള്‍ വിദ്യാര്‍ഥികള്‍ക്കിടയില്‍ ചര്‍ച്ച ചെയ്യപ്പെടണമെന്നു ഡോ. എം.എന്‍ കാരശ്ശേരി. അഹിംസ, സത്യ സന്ധത, കൃത്യനിഷ്ഠ, ശുചിത്വം തുടങ്ങിയ ഗാന്ധിയന്‍ ദര്‍ശനങ്ങളുടെ സമകാലിക പ്രസക്തി ഉള്‍ക്കൊള്ളാന്‍ നാം തയാറാകണമെന്നും കാരശ്ശേരി പറഞ്ഞു.
മഹാത്മാഗാന്ധിയുടെ 150-ാം ജന്മ വാര്‍ഷിക പരിപാടികയുടെ ഭാഗമായി ബാലുശ്ശേരി പ്രസ്‌ഫോറം ഗോകുലം കോളജില്‍ സംഘടിപ്പിച്ച പ്രഭാഷണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. രാജന്‍ ബാലുശ്ശേരി അധ്യക്ഷനായി. കോളജ് പ്രിന്‍സിപ്പല്‍ ഡോ. മുസാഫിര്‍ അഹമ്മദ്, മാനേജര്‍ ബാലരാമന്‍, മലയാളം വിഭാഗം മേധാവി രമേഷ് ബാബു, യൂനിയന്‍ ചെയര്‍മാന്‍ ജതിന്‍രാജ്, മുജീബ് പുറായില്‍, അദ്വൈത് സംസാരിച്ചു.