മാനന്തവാടി: ബൈക്കുകള്‍ തമ്മില്‍ കൂട്ടിയിടിച്ച് രണ്ടുപേര്‍ക്ക് പരുക്ക്. പാല്‍വെളിച്ചം സ്വദേശി തുളസീദാസിന്റെ മകന്‍ മഹേഷ് (27), കാട്ടിക്കുളം ചേലൂര്‍ സ്വദേശി തോമസ്(51) എന്നിവര്‍ക്കാണ് പരുക്കേറ്റത്. മാനന്തവാടി വള്ളിയൂര്‍ക്കാവ് ബൈപ്പാസ് റോഡില്‍ വരടിമൂലയില്‍ ഇന്നലെ രാവിലെ 11.30 നായിരുന്നു സംഭവം. ഇരുവരെയും ആദ്യം ജില്ലാ ആശുപത്രിയില്‍ പ്രവേശിപ്പിച്ച് പ്രാഥമിക ചികിത്സ നല്‍കി. തലക്ക് പരുക്കേറ്റ മഹേഷിനെ പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. നിരപ്പായ റോഡില്‍ വേഗത നിയന്ത്രണ സംവിധാനങ്ങളില്ലാത്തതിനാല്‍ ഇവിടെ അപകടങ്ങള്‍ തുടര്‍ക്കഥയാവുകയാണ്.