സാവോപോളോ: ഒരു സീസണ്‍ മുഴുവന്‍ പരുക്കിനെ തുടര്‍ന്ന് നഷ്ടമായ യുനൈറ്റഡ് താരം അലക്‌സി സാഞ്ചസിന് വീണ്ടും പരുക്ക്. പരുക്കിനെ തുടര്‍ന്ന് താരത്തിന് പ്രീ സീസണ്‍ മത്സരങ്ങള്‍ നഷ്ടമാകും. കോപ അമേരിക്കയില്‍ മൂന്നാം സ്ഥാനക്കാര്‍ക്കുവേ@ണ്ടിയുള്ള അര്‍ജന്റീനയുമായുള്ള പോരാട്ടത്തിനിടെയാണ് സാഞ്ചസിന് പരുക്കേറ്റത്. കാല്‍ക്കുഴയ്ക്ക് പരുക്കേറ്റ അദ്ദേഹം 17 മിനുട്ടിന് ശേഷം കളം വിട്ടിരുന്നു. അവസാന സീസണിലെ പ്രീമിയര്‍ ലീഗില്‍ നിരന്തരം പരുക്കിന്റെ പിടിയിലായ സാഞ്ചസിന് മാഞ്ചസ്റ്റര്‍ യുനൈറ്റഡിനൊപ്പമുള്ള പകുതിയോളം മത്സരങ്ങളും നഷ്ടമായിരുന്നു. ഏറെ നാളത്തെ വിശ്രമത്തിന് ശേഷം കോപ അമേരിക്കയിലൂടെയാണ് സാഞ്ചസ് തിരിച്ചുവന്നത്. ഭേദപ്പെട്ട പ്രകടനം പുറത്തെടുത്ത താരം മാഞ്ചസ്റ്റര്‍ യുനൈറ്റഡിന് പ്രതീക്ഷ നല്‍കിയെങ്കിലും പരുക്ക് വീണ്ട@ും തിരിച്ചടിയാവുകയാണ്. നിലവിലെ റിപ്പോര്‍ട്ടുകള്‍ പ്രകാരം ര@ണ്ട് മാസത്തെ വിശ്രമമെങ്കിലും സാഞ്ചസിന് ആവശ്യമാണെന്നാണ് വിവരം. അങ്ങനെ വന്നാല്‍ പ്രീ സീസണ്‍ മത്സരങ്ങള്‍ താരത്തിന് നഷ്ടമാവും.