കിഴിശ്ശേരി : നിയന്ത്രണം വിട്ട കാര്‍  കടയിലിടിച്ചു കയറി മൂന്നു പേര്‍ക്കു പരുക്ക്. കിഴിശ്ശേരി അരീക്കോട് റോഡില്‍ കടുങ്ങല്ലൂര്‍ ഹാജിയാര്‍പടി വളവില്‍ ഇന്നലെ അര്‍ധരാത്രി ഒന്നിനാണു സംഭവം.  അരീക്കോട്  ഭാഗത്തു നിന്നു വന്ന കാര്‍ ഹാജിയാര്‍പടിയിലെ വളവില്‍ നിയന്ത്രണം വിട്ടു കടയിലിടിച്ചു കയറുകയായിരുന്നു.
 ഡ്രൈവര്‍ ഉറങ്ങിയതാണ് അപകട കാരണമെന്നു പറയപ്പെടുന്നു. കിഴിശ്ശേരി സ്വദേശികളായ അബ്ദുഷുക്കൂര്‍, ഇര്‍ഫാന്‍, തന്‍വീര്‍ എന്നിവരായിരുന്നു കാറില്‍ ഉണ്ടായിരുന്നത്. സാരമായ പരുക്കുകള്‍ പറ്റിയ ഇവരെ കാര്‍ കടയില്‍ ഇടിച്ച ശബ്ദം കേട്ട് ഉണര്‍ന്ന പരിസരത്തുള്ള വീട്ടുകാരാണ് ആശുപത്രിയിലെത്തിച്ചത്.
 കിഴിശ്ശേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും അവിടെ നിന്ന് മെഡിക്കല്‍ കോളജിലേക്ക് മാററുകയായിരുന്നു. അപകടത്തില്‍ കാറും കടയുടെ മുന്നില്‍ നിര്‍ത്തിയിട്ടിരുന്ന കടയിലെ ജീവനക്കാരന്റെ ബൈക്കും തകര്‍ന്നു.