മങ്കട:  പഞ്ചായത്തിലെ ഞാറക്കാട്, മങ്കട, കോവിലകം റോഡ്, പുളിക്കല്‍പ്പറമ്പ് പ്രദേശങ്ങളില്‍ തെരുവുനായ ശല്യം രൂക്ഷമായി.  മദ്‌റസ, സ്‌കൂള്‍ വിദ്യാര്‍ഥികളടക്കം നാട്ടുകാര്‍ ഏറെ ഭയത്തോടെയാണ് പുറത്തിറങ്ങുന്നത്.
പത്തു മുതല്‍ പതിനഞ്ച് വരെ തെരുവു നായകളുടെ കൂട്ടമാണ്  ഓരോ കവലകളിലും കാണപ്പെടുന്നത്.  ഇതു സംബന്ധിച്ചു നാട്ടുകാര്‍ പൊലിസില്‍ പരാതി നല്‍കിയെങ്കിലും പഞ്ചായത്തിന് ഒന്നും ചെയ്യാനാകില്ലെന്ന നിലപാടിലാണ് അധികൃതരും ഉദ്യോഗസ്ഥരും. നടു റോഡില്‍ വാഹനങ്ങള്‍ വന്നാല്‍ പ്പോലും മാറി നില്‍ക്കാത്ത തെരുവു നായകള്‍ നാട്ടുകാരുടെ സൈ്വര്യ ജീവിതത്തിനും ഭീഷണിയായിരിക്കുകയാണ്.
ബൈക്ക് യാത്രികര്‍ പലപ്പോഴും നായകളെ പേടിച്ച് വേഗം കൂട്ടുമ്പോള്‍  അപകടത്തില്‍പ്പെടുന്നതും പതിവായി. ജില്ലാ കലക്ടര്‍ക്ക് പരാതി നല്‍കാനൊരുങ്ങുകയാണ് നാട്ടുകാര്‍.