ഒറ്റപ്പാലം: ബൈക്കിലെത്തിയ ആള്‍ വീട്ടമ്മയുടെ മാല പൊട്ടിച്ചു. മനിശ്ശീരി കള്ള് ഷാപ്പിന് സമീപമാണ് സംഭവം. ചെറുകാട്ടുകുലം കരിങ്കുഴിയില്‍ സത്യഭാമയുടെ മാലയാണ് പൊട്ടിച്ചത്. വ്യാഴാഴ്ച മൂന്നര മണിയോടെ അങ്കണവാടിയില്‍നിന്ന് വരികയായിരുന്ന സത്യഭാമയുടെ കഴുത്തില്‍നിന്ന് ബൈക്കില്‍ ഹെല്‍മറ്റ് ധരിച്ചെത്തിയ ആള്‍ മാല പൊട്ടിക്കുകയായിരുന്നു. നാല് പവന്‍ തൂക്കമുള്ള സ്വര്‍ണമാല നഷ്ടമായതായി പരാതിയില്‍ പറയുന്നു .
ഒറ്റപ്പാലം കയറംപാറയില്‍ കട കുത്തിത്തുറന്ന് മോഷണം. പ്രദേശത്തെ ഗൃഹോപകരണ ഷോപ്പില്‍ പൂട്ടുപൊളിച്ച് അകത്തുകയറി ഒരു ഫാനും, ഒരു ഇസ്തിരിപ്പെട്ടിയും, 1,000 രൂപയും മോഷ്ടിക്കപ്പെട്ടു. അജിത്ത് എന്ന ആളുടെ ഹോം ലൈറ്റ് എന്ന സ്ഥാപനത്തിലാണ് മോഷണം. ഇന്നലെ പുലര്‍ച്ചെ നാലുമണിക്കാണ് സംഭവം. സി.സി.ടി.വി കാമറയില്‍ മോഷ്ടാവിന്റെ ചിത്രം പതിഞ്ഞിട്ടുണ്ട്. ഇരു കേസുകളിലും ഒറ്റപ്പാലം പൊലിസ് അന്വേഷണം ആരംഭിച്ചു.