പേരാമ്പ്ര: നൊച്ചാട് ഗ്രാമപഞ്ചായത്തിലെ നടുക്കണ്ടിപാറ അങ്കണവാടിയുടെ പാചകപ്പുര അപകടാവസ്ഥയില്‍. മേല്‍ക്കൂര തകര്‍ന്ന് ഓട് ഏതു സമയത്തും നിലംപൊത്താവുന്ന അവസ്ഥയിലാണ്.  കേരള പിറവിയുടെ സുവര്‍ണ്ണ ജൂബിലി സ്മാരകമായാണ് ഇവിടെ പാചകപ്പുര നിര്‍മിച്ചത്. അങ്കണവാടിയില്‍ പാചകവാതകമുള്ളതുകൊണ്ട് ഇപ്പോള്‍ ഭക്ഷണം പാകം ചെയ്യുന്നത് പാചകപ്പുരയില്‍ നിന്നും അങ്കണവാടിയിലേക്ക് മാറ്റിയിട്ടുണ്ട്. കെട്ടിടത്തിന്റെ മേല്‍ക്കൂര മാറ്റി സ്ഥാപിച്ച് അപകടാവസ്ഥ ഒഴിവാക്കണമെന്നാണ് നാട്ടുകാരുടെ ആവശ്യം.