ജനീവ: ലോകാരോഗ്യസംഘടനയുടെ പുതിയ ഡയറക്ടര്‍ ജനറലായി എത്യോപ്യയുടെ ടെഡ്രോസ് അഥാനം ഗെബ്രയേസസിനെ തെരഞ്ഞെടുത്തു. ഇദ്ദേഹം ജൂലൈ 1 ന് സ്ഥാനമേല്‍ക്കും. അഞ്ചു വര്‍ഷമാണ് കാലാവധി.

ആദ്യമായാണ് ആഫ്രിക്കയില്‍ നിന്നൊരാള്‍ ലോകാരോഗ്യ സംഘടനയുടെ തലപ്പത്ത് എത്തുന്നത്. 2007 മുതല്‍ ഡബ്യൂ എച്ച്.ഒ മേധാവിയായിരുന്ന മാര്‍ഗരറ്റ് ചാനിന്റെ പിന്‍ഗാമിയായാണ് അഥാനം എത്തുന്നത്. ജൂണ്‍ 30ന് ചാനിന്റെ കാലാവധി അവസാനിക്കും.

എത്യോപ്യയുടെ മുന്‍ ആരോഗ്യമന്ത്രിയാണ് ടെട്രോസ്. 185 രാജ്യങ്ങളിലെ ആരോഗ്യ മന്ത്രിമാരാണ് വോട്ടെടുപ്പില്‍ പങ്കെടുത്തത്. വിവിധ ഘട്ടങ്ങളിലായി നടന്ന തെരഞ്ഞെടുപ്പില്‍ 121 വോട്ട് നേടിയാണ് ടെട്രോസ് തലപ്പത്തെത്തിയത്.