കാസര്‍കോട്: മാലിക് ദിനാര്‍ ഫാര്‍മസി കോളജ് സീതാംഗോളി സംഘടിപ്പിക്കുന്ന ഏകദിന അന്താരാഷ്ട്ര സെമിനാര്‍ മാലിക് ദിനാര്‍ ഗ്രൂപ്പ് ഓഫ് ഇന്‍സ്റ്റിറ്റിയൂഷന്‍ സെക്രട്ടറി കെ.എസ് അന്‍വര്‍ സാദത്ത് ഉദ്ഘാടനം ചെയ്തു. കോളജ് ഓഡിറ്റോറിയത്തില്‍ നടന്ന സെമിനാറില്‍ അമേരിക്കയിലെ ചാള്‍സണ്‍ യൂനിവേഴ്‌സിറ്റി അസോസിയേറ്റ് ഡീന്‍ ഡോ. രാജന്‍ രാധാകൃഷ്ണന്‍, മണിപ്പാല്‍ ഫാര്‍മസി കോളജ് പ്രൊഫസര്‍ ഡോ. മഹാദേവ് റാവു, ആക്‌സചര്‍ ഫാര്‍മാക്കോ വിജിലന്‍സ് ടീം മേധാവി ശിവസുബ്രമണി എന്നിവര്‍ പ്രബന്ധമവതരിപ്പിച്ചു.
കോളജ് ഫാര്‍മാ ബുള്ളറ്റിന്‍ 'ഫാര്‍മ അനൗന്‍ഷ്യോ' കെ.എസ് ഹബീബ് പ്രകാശനം ചെയ്തു. കോളജ് പ്രിന്‍സിപ്പല്‍ ഡോ. പി. അജിത്കുമാര്‍, ഡോ. വി. പത്മജ, ഡോ. അനില്‍ കുമാര്‍, ഡോ. മുഹമ്മദ് ഗുല്‍സാര്‍ അഹമ്മദ് സംസാരിച്ചു.