ഖാണ്ട്വാ: പശുക്കടത്ത് ആരോപിച്ച് 25 യുവാക്കളെ ഗ്രാമവാസികള്‍ കൈകള്‍ കെട്ടി രണ്ടു കിലോമീറ്റര്‍ ദൂരം നടത്തിച്ച് പൊലിസിന് മുന്‍പില്‍ ഹാജരാക്കി. യുവാക്കളുടെ കൈകള്‍ ബന്ധിച്ച് ഗോമാതാ കീ ജയ് എന്ന് വിളിപ്പിച്ചാണ് പൊലിസ് സ്റ്റേഷനിലേക്ക് നടത്തിച്ചത്. ഇവര്‍ക്ക് നേരെ ഗ്രാമവാസികള്‍ ആക്രമണം നടത്തുകയും ചെയ്തതായി പൊലിസ് അറിയിച്ചു. യുവാക്കളെ മര്‍ദിച്ചതിന് ഗ്രാമവാസികള്‍ക്കെതിരേ പൊലിസ് കേസെടുത്തിട്ടുണ്ട്.