പാലക്കാട്: കന്യാസ്ത്രീയെ ബലാത്സംഗം ചെയ്‌തെന്ന കേസില്‍ ബിഷപ്പ് ഫ്രാങ്കോ മുളയ്ക്കലിനെതിരേ സമരം നടത്തുന്ന കന്യാസ്ത്രീകളെല്ലാം വളരെ മോശക്കാരികളാണെന്നും,അവരൊക്കെ സന്യാസി സമൂഹത്തിനു അപമാനമാണെന്നും പി.സി. ജോര്‍ജ്.എം.എല്‍.എ. പാലക്കാട് പ്രസ് ക്ലബില്‍ നടത്തിയ വാര്‍ത്താസമ്മേളനത്തിലാണ് അദ്ദേഹം വീണ്ടും വിവാദ പരാമര്‍ശം നടത്തിയത്. സമരം നടത്തിയ കന്യാസ്ത്രീകളും പൊലിസും തെളിവെടുപ്പിന്റെ പേരില്‍ കന്യാസ്ത്രീ മഠങ്ങളില്‍ പോയി അഴിഞ്ഞാട്ടം നടത്തുകയാണെന്നും ജോര്‍ജ് ആരോപിച്ചു.