തൃശൂര്‍: ഓടിക്കൊണ്ടിരിക്കേ ട്രെയ്‌നിന്റെ എന്‍ജിനും ബോഗികളും വേര്‍പ്പെട്ടു. തൃശൂര്‍ ചെറുതുരുത്തിയില്‍ ഇന്ന് ഉച്ചയ്ക്ക് 12.30ഓടെയായിരുന്നു സംഭവം. മുംബൈ-കൊച്ചുവേളി ലോക്മാന്യതിലക് എക്‌സ്പ്രസിന്റെ എന്‍ജിനാണ് വേര്‍പ്പെട്ടത്. ട്രെയ്ന്‍ ചെറുതുരുത്തിയിലെത്തിയപ്പോള്‍ ട്രെയിനിന്റെ എന്‍ജിനെ ബോഗിയുമായി ഘടിപ്പിക്കുന്ന ഭാഗം വേര്‍പ്പെടുകയായിരുന്നു. വേര്‍പ്പെട്ട എന്‍ജിന്‍ പത്തു മീറ്ററോളം മുന്നോട്ട് പോയെങ്കിലും ഉടന്‍ തന്നെ എയര്‍ ബ്രേക്കിലൂടെ നിര്‍ത്തുകയായിരുന്നു. പിന്നീട് അറ്റകുറ്റപണി നടത്തി എന്‍ജിന്‍ ഘടിപ്പിച്ച് അര മണിക്കൂറിന് ശേഷം ട്രെയ്ന്‍ യാത്ര തുടര്‍ന്നു.