ലോകകപ്പ് സെമിയില്‍ ഇന്ന് ഇന്ത്യയെ നേരിടാനൊരുങ്ങുമ്പോള്‍ ന്യൂസിലന്‍ഡ് ഭീതിയിലാണ്. ലോകകപ്പില്‍ ഇതുവരെ ഏഴു സെമിഫൈനല്‍ കളിച്ച ന്യൂസിലന്‍ഡിന് ഒന്നില്‍ മാത്രമേ ഫൈനലിലെത്താന്‍ സാധിച്ചുള്ളൂ. 2015 ലോകകപ്പില്‍ മാത്രമാണ് കിവീസിന് ഫൈനലിലേക്ക് മുന്നേറാനായത്. കലാശപ്പോരാട്ടത്തില്‍ ഓസീസിനോട് തോല്‍ക്കുകയും ചെയ്തു.
1975 ലോകകപ്പ് സെമിയില്‍ വെസ്റ്റ് ഇന്‍ഡീസിനോട് അഞ്ചു വിക്കറ്റിനായിരുന്നു കിവീസിന്റെ തോല്‍വി.
1979ല്‍ ഇംഗ്ലണ്ടാണ് കിവീസിന്റെ വഴിയടച്ചത്. ഒന്‍പത് റണ്‍സിനായിരുന്നു ഇംഗ്ലണ്ടിന്റെ ജയം.
1992 ലോകകപ്പ് സെമിയില്‍ കിവീസിനെ നാലു വിക്കറ്റിന് തോല്‍പ്പിച്ച് ഫൈനലിലെത്തിയ പാകിസ്താന്‍ കിരീടവുമായാണ് മടങ്ങിയത്.
1999ല്‍ വീണ്ടും പാകിസ്താന്‍ തന്നെ കിവീസിന്റെ വഴിയടച്ചു. ഇത്തവണ ഒന്‍പതു വിക്കറ്റിനായിരുന്നു തോല്‍വി.
2007 ലോകകപ്പ് സെമിയില്‍ കിവീസിനെ തോല്‍പ്പിച്ചത് ശ്രീലങ്കയായിരുന്നു. 81 റണ്‍സിനായിരുന്നു തോല്‍വി.
2011ല്‍ ഇന്ത്യയില്‍ നടന്ന ലോകകപ്പില്‍ വീണ്ടും ശ്രീലങ്ക തന്നെ കിവീസിന് പുറത്തേക്കുള്ള വഴി കാണിച്ചു. അഞ്ചു വിക്കറ്റിനായിരുന്നു ലങ്കയുടെ വിജയം.