വിഴിഞ്ഞം: ഉച്ചക്കട പയറ്റുവിളയില്‍ ഗുണ്ടാസംഘത്തിന്റെ ആക്രമണത്തില്‍ യുവാവ് കൊല്ലപ്പെട്ട സംഭവത്തില്‍ മൂന്നാം പ്രതി അറസ്റ്റില്‍. കോട്ടുകാല്‍ കുഴിവിളക്കോണം ലൂഥറന്‍സ് പള്ളിക്ക് സമീപം വാറുവിള വീട്ടില്‍ സുമോദ് എന്ന് വിളിക്കുന്ന അരുണ്‍ മോഹനാണ് അറസ്റ്റിലായത്.
പയറ്റുവിള കരയ്ക്കാട്ടുവിള വീട്ടില്‍ മണിക്കുട്ടന്‍ എന്ന് വിളിക്കുന്ന ബിജു കുമാറിനെ വെട്ടി കൊലപ്പെടുത്തിയ കേസിലാണ് പ്രതി പൊലിസ്് പിടിയിലായത്. കഴിഞ്ഞ എട്ടിനാണ് മാരകായുധങ്ങളുമായി ബൈക്കിലെത്തിയ സംഘം ബിജുകുമാറിന്റെ കയ്യിലും കാലിലും വെട്ടുകയും കുത്തിപ്പരുക്കേല്‍പ്പിക്കുകയും ചെയ്തത്. ബിജുകുമാറിനൊപ്പമുണ്ടായിരുന്ന സതീഷ് കുമാറിന്റെ തലയ്ക്കും വെട്ടേറ്റിരുന്നു. മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ച ബിജുകുമാര്‍ 10ന് മരണപ്പെട്ടു.