ന്യൂഡല്‍ഹി: റഷ്യന്‍ പ്രസിഡന്റ് വളാദ്മിര്‍ പുടിന്‍ അടുത്തമാസം ഇന്ത്യ സന്ദര്‍ശിക്കും. രണ്ട് ദിവസത്തെ സന്ദര്‍ശനത്തിനെത്തുന്ന പുടിന്‍ 19ാം ഇന്ത്യ, റഷ്യ വാര്‍ഷിക ഉഭയകക്ഷി ഉച്ചകോടിയില്‍ പങ്കെടുക്കാനാണ് ഇന്ത്യയില്‍ എത്തുന്നത്. ഒക്ടോബര്‍ നാല്, അഞ്ച് തിയതികളില്‍ നടത്തുന്ന സന്ദര്‍ശനത്തല്‍ പ്രധാനമന്ത്രി നരേന്ദ്ര മോദി, രാഷ്ട്രപതി രാംനാഥ് കോവിന്ദ് എന്നിവരുമായി ചര്‍ച്ചകള്‍ നടത്തുമെന്ന് വിദേശകാര്യ മന്ത്രാലയം അറിയിച്ചു. സെപ്റ്റംബര്‍ ആദ്യ വാരത്തില്‍ വിദേശകാര്യ മന്ത്രി സുഷമാ സ്വരാജിന്റെ റഷ്യന്‍ സന്ദര്‍ശനത്തോടെയാണ് ഇന്ത്യ, റഷ്യ ഉഭയകക്ഷി ചര്‍ച്ച ഒടുവില്‍ നടന്നത്.