തിരുവനന്തപുരം: കുട്ടികളുടെ അഭിരുചി മനസിലാക്കിവേണം ഉപരിപഠനത്തിന് കോഴ്‌സ് തിരഞ്ഞെടുക്കാനെന്ന് മന്ത്രി കടകംപള്ളി സുരേന്ദ്രന്‍. കഴക്കൂട്ടം നിയോജക മണ്ഡലത്തിലെ എസ് എസ് എല്‍ സി, പ്ലസ് ടു പരീക്ഷകളില്‍ വിജയിച്ച  കുട്ടികള്‍ക്കായി സംഘടിപ്പിച്ച കരിയര്‍ ഗൈഡന്‍സ് ശില്‍പശാല ഉദ്ഘാടനം ചെയ്യുകയായിരുന്നു മന്ത്രി.
 മണ്ഡലത്തില്‍ മന്ത്രി കടകംപള്ളി സുരേന്ദ്രന്‍ നടപ്പാക്കുന്ന 'പ്രകാശം' വിദ്യാഭ്യാസ വികസന പദ്ധതിയുടെ ഭാഗമായാണ് ശില്‍പശാല സംഘടിപ്പിച്ചത്. മേയര്‍ വി.കെ പ്രശാന്ത് അധ്യക്ഷനായി.  ഡോക്ടര്‍ പി.ആര്‍ വെങ്കിട്ടരാമന്‍ നേതൃത്വം നല്‍കി. മുന്‍ എന്‍ട്രന്‍സ് കമ്മിഷണര്‍ ബി.എസ് മാവോജി  ,കിറ്റ്‌സ് ഡയറക്ടര്‍ രാജശ്രീ അജിത്ത് എന്നിവരും ക്ലാസുകള്‍ എടുത്തു. എസ് .എസ് .എല്‍ .സി ക്കും പ്ലസ്ടുവിനും  എല്ലാ വിഷയങ്ങളിലും എ പ്ലസ് നേടിയ കുട്ടികളെ ചടങ്ങില്‍ ആദരിച്ചു.