ഭോപ്പാല്‍: മധ്യപ്രദേശില്‍ സീരിയല്‍ കില്ലറെ വെടിവച്ചുകൊന്നുവെന്നു പൊലിസ്. വിവിധ സംസ്ഥാനങ്ങളിലായി ആറുപേരെ കൊന്ന ദിലീപ് ദേവാള്‍ എന്നയാളെയാണ് ഏറ്റുമുട്ടലിലൂടെ വധിച്ചതെന്നു മധ്യപ്രദേശ് പൊലിസ് വ്യക്തമാക്കി.
കഴിഞ്ഞ മാസം മധ്യപ്രദേശില്‍ ഒരു കുടുംബത്തിലെ മൂന്നുപേരെ ഇയാള്‍ കൊന്നിരുന്നു. ഇതിനു പിന്നാലെയായിരുന്നു ഇയാള്‍ക്കായി അന്വേഷണം ഊര്‍ജിതമാക്കിയതെന്നും കഴിഞ്ഞ ദിവസമാണ് പിടികൂടാനായി പൊലിസ് എത്തിയതെന്നും ഉദ്യോഗസ്ഥര്‍ വ്യക്തമാക്കി. നടപടിക്കിടെ ഏറ്റുമുട്ടലുണ്ടാകുകയായിരുന്നെന്നും തുടര്‍ന്നു പ്രതിയെ വെടിവച്ചു കൊല്ലുകയായിരുന്നെന്നും പൊലിസ് പറയുന്നു. സംഭവത്തില്‍ അഞ്ചു പൊലിസുകാര്‍ക്കു പരുക്കേറ്റിട്ടുമുണ്ട്.