കൊല്‍ക്കത്ത: വിശ്രുത സാഹിത്യകാരി മഹാശ്വേതാ ദേവിക്കു രാജ്യം വിടനല്‍കി. പൂര്‍ണ ഔദ്യോഗിക ബഹുമതികളോടെ കൊല്‍ക്കത്തയിലെ കോറതോല ശ്മശാനത്തിലായിരുന്നു സംസ്‌കാര ചടങ്ങുകള്‍ നടന്നത്.

കൊച്ചുമകന്‍ തഗാത ഭട്ടാചാര്യ അന്ത്യകര്‍മങ്ങള്‍ നിര്‍വഹിച്ചു. ആദിവാസികളടക്കം നൂറുകണക്കിനാളുകളാണ് ദീദിയെ യാത്രയാക്കാനെത്തിയത്.

പശ്ചിമബംഗാള്‍ മുഖ്യമന്ത്രി മമതാ ബാനര്‍ജിയടക്കം നിരവധി പ്രമുഖര്‍ ചടങ്ങില്‍ പങ്കെടുത്തു. കോല്‍ക്കത്തയിലെ സ്വകാര്യ ആശുപത്രിയില്‍ വ്യാഴാഴ്ചയായിരുന്നു മഹാശ്വേതാ ദേവി അന്തരിച്ചത്.