തിരുവനന്തപുരം: നാളെ സൂര്യാസ്തമയത്തോടെ റമദാന്‍ മാസപ്പിറവി ദൃശ്യമാകാന്‍ സാധ്യതയുള്ളതിനാല്‍ ചന്ദ്രക്കല കാണുന്നവര്‍ 9526459946, 9447655270, 9745682586 എന്നീ നമ്പരുകളില്‍ അറിയിക്കണമെന്നു  ചേലക്കുളം മുഹമ്മദ് അബുല്‍ ബുഷ്‌റാ മൗലവിയുടെ ഓഫിസ് അറിയിച്ചു. മാസപ്പിറവിയുടെ അടിസ്ഥാനത്തില്‍ റമദാന്‍ വ്രതാരംഭം സംബന്ധിച്ച തീരുമാനമെടുക്കുന്നതിന് തലസ്ഥാനത്തെ ഖത്തീബുമാരുടെയും ഇമാമുമാരുടെയും മഹല്ല് ഭാരവാഹികളുടെയും സംയുക്തയോഗം വെള്ളിയാഴ്ച വൈകുന്നേരം ആറിന്  മണക്കാട് സെന്‍ട്രല്‍ ജുമാമസ്ജിദില്‍ നടക്കുമെന്നു കേരളാ ഖത്തീബ്‌സ് ആന്റ് ഖാസി ഫോറം ജനറല്‍ സെക്രട്ടറി പാച്ചല്ലൂര്‍ അബ്ദുസ്സലീം മൗലവി അറിയിച്ചു.