ബര്‍ലിന്‍: 2024 ല്‍ നടക്കുന്ന യൂറോ കപ്പിന് ജര്‍മ്മനി വേദിയാകും. തുര്‍ക്കിയെ പിന്നിലാക്കിയാണ് ജര്‍മ്മനി യൂറോ കപ്പിനുള്ള ആതിഥേയത്വം വഹിക്കാനുള്ള അവകാശം സ്വന്തമാക്കിയത്. ഇരു രാജ്യങ്ങളിലും സന്ദര്‍ശനം നടത്തിയ യുവേഫ പ്രതിനിധികള്‍ റിപ്പോര്‍ട്ടുകള്‍ പ്രസിദ്ധീകരിച്ചിരുന്നു. റിപ്പോര്‍ട്ടുകളില്‍ ജര്‍മ്മനിക്കാണ് മുന്‍ തൂക്കമെങ്കിലും തുര്‍ക്കിയുടെ പ്രസിഡണ്ട് ഉര്‍ദോഗന്റെ സമ്മര്‍ദങ്ങള്‍ക്ക് യുവേഫ വഴങ്ങുമോയെന്ന ആശങ്ക ജര്‍മ്മന്‍ ഫുട്‌ബോള്‍ ഫെഡറേഷനുണ്ടണ്ടായിരുന്നു.
യൂറോ കപ്പ് മുന്നില്‍ കണ്ടണ്ടു സ്റ്റേഡിയങ്ങള്‍ പണിയാന്‍ തുര്‍ക്കി തുടങ്ങിയിരുന്നു. എന്നാല്‍ ജര്‍മ്മനിയില്‍ നിലവിലുള്ള സ്‌റേഡിയങ്ങളില്‍ ചിലതില്‍ അറ്റകുറ്റപ്പണികള്‍ മാത്രമാണ് യുവേഫ നിര്‍ദേശിച്ചത്. തുര്‍ക്കിയിലെ മനുഷ്യാവകാശ പ്രശ്‌നങ്ങളും യൂറോ വേദി ലഭിക്കാത്തിതന് കാരണമായി.