കൊപ്പം: മുളയങ്കാവ് അമ്പലത്തിന് സമീപം രാജന്‍ മാസ്റ്ററുടെ വീടിന്റെ മതിലിനുള്ളില്‍നിന്ന് കഴിഞ്ഞ ആഴ്ച്ചയില്‍ പിടികൂടിയ മൂര്‍ഖന്‍ പാമ്പിന്റെ 33 മുട്ടകളും വിരിഞ്ഞു. വഴിയാത്രക്കാരുടെ വഴിമുടക്കിയ അടയിരിക്കുന്ന പാമ്പിനെ സ്‌നേക്ക് മാസ്റ്റര്‍ കൈപ്പുറം അബ്ബാസാണ് പിടികൂടിയത്.
രണ്ട് മീറ്റര്‍ നീളമുണ്ടായിരുന്ന മൂര്‍ഖനെ ഫോറസ്റ്റ് ഉദ്യോഗസ്ഥര്‍ക്ക് കൈമാറുകയും മുട്ടകള്‍ അബ്ബാസ് തന്റെ ഇലക്ട്രിക്ക് സംവിധാനത്തിലുള്ള ഇന്‍ക്വുബേറ്ററില്‍ സൂക്ഷിക്കുകയും ചെയ്തു. ആ മുട്ടകളാണ് ഒരാഴ്ച്ച തികയും മുമ്പേ ആരോഗ്യമുള്ള കുഞ്ഞുങ്ങളായി വിരിഞ്ഞിറങ്ങിയത്. പാമ്പിന്‍ കുഞ്ഞുങ്ങളെ വനം വകുപ്പ് അധികൃതര്‍ക്ക് കൈമാറുമെന്ന് അബ്ബാസ് പറഞ്ഞു.