ആലപ്പുഴ: സംസ്ഥാന ഹജ്ജ് കമ്മിറ്റി മുഖേന തീര്‍ഥാടനത്തിന് തിരഞ്ഞെടുക്കപ്പെട്ടവര്‍ക്കുള്ള രണ്ടാംഘട്ട പരിശീലന ക്ലാസിന്റെ സംസ്ഥാനതല സമാപനം അമ്പലപ്പുഴയില്‍ നടന്നു. ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി ഉദ്ഘാടനം ചെയ്തു. മാസ്റ്റര്‍ ട്രെയിനര്‍ നിഷാദ് പന്ത്രണ്ടില്‍ അധ്യക്ഷനായി.
അഡ്വ. എ. നിസാമുദ്ദീന്‍, എ. ഗഫൂര്‍ മാസ്റ്റര്‍, ട്രെയിനര്‍മാരായ ഷഫീഖ് ചേലക്കാപ്പള്ളില്‍, സിറാജ് ചമ്പോളില്‍, അബ്ദുല്‍ ഖാദര്‍, മുഹമ്മദ് ജിഫ്‌രി ,എം.എം. നസീര്‍, ഇബ്രാഹിംകുട്ടി, ജമാല്‍ എന്നിവര്‍ സംബന്ധിച്ചു.
ഹജ്ജ് കമ്മിറ്റി കോ-ഓര്‍ഡിനേറ്റര്‍ എന്‍.പി. ഷാജഹാന്‍ പരിശീലന ക്ലാസിന് നേതൃത്വം നല്‍കി. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് പ്രജിത്ത് കാരിക്കല്‍ ഹെല്‍ത്ത് കാര്‍ഡ് വിതരണം നടത്തി.