മാഞ്ചസ്റ്റര്‍: ഇന്ത്യ ന്യൂസിലെന്‍ഡ് ലോകകപ്പ് സെമിമത്സരത്തില്‍ ഇന്ത്യ
ക്ക് തോല്‍വി.
പിടിച്ചു നില്‍ക്കാന്‍ കെല്‍പില്ലാതെ ഇന്ത്യന്‍ വിക്കറ്റ് പെയ്‌തൊഴിഞ്ഞപ്പോള്‍ ഇന്ത്യയുടെ ഫൈനല്‍ സ്വപ്‌നം പൂവണിഞ്ഞില്ല. തകര്‍ച്ചയോടെ തുടങ്ങിയ ബാറ്റിങ് പതിയെയാണ് സ്‌കോര്‍ മുന്നോട്ട് നീങ്ങിയത്.
പത്ത് ഓവറിനിടെ നാല് വിക്കറ്റ് നഷ്ടമായിരുന്നു. സ്‌കോര്‍ ബോര്‍ഡ് അഞ്ചില്‍ എത്തിനില്‍ക്കേ ഓപണിങ് ബാറ്റ്‌സ്മാന്‍മാരുടേതുള്‍പ്പെടെ മൂന്ന് വിക്കറ്റുകള്‍ നഷ്ടമായിരുന്നു. ലോകകപ്പ് സെമിഫൈനലില്‍ ന്യൂസീലന്‍ഡിനെതിരേ 240 റണ്‍സ് വിജയലക്ഷ്യം പിന്തുടരുന്ന ഇന്ത്യയ്ക്ക് അവിശ്വസനീയമായ തകര്‍ച്ച. പത്തോവര്‍ എത്തും മുന്‍പ് തന്നെ നാല് മുന്‍നിര വിക്കറ്റുകള്‍ നഷ്ടമായ മുന്‍ ചാമ്പ്യന്‍മാര്‍ക്ക് 31 ഓവറിനു മുന്‍പ് ആറാം വിക്കറ്റും നഷ്ടമായി. ഓപ്പണര്‍മാരായ രോഹിത് ശര്‍മ (1), കെ.എല്‍. രാഹുല്‍ (1), ക്യാപ്റ്റന്‍ വിരാട് കോലി (1), ദിനേഷ് കാര്‍ത്തിക് (6), ഋഷഭ് പന്ത് (32), ഹാര്‍ദിക് പാണ്ഡ്യ (32) എന്നിവരാണ് പുറത്തായത്.

ന്യൂസീലന്‍ഡ് ഉയര്‍ത്തിയ 240 റണ്‍സ് വിജയലക്ഷ്യം പിന്തുടര്‍ന്ന ഇന്ത്യയുടെ തുടക്കം തന്നെ വന്‍ തകര്‍ച്ചയോടെയായിരുന്നു.

25 പന്തുകള്‍ നേരിട്ട് ആറു റണ്‍സെടുത്ത ദിനേഷ് കാര്‍ത്തിക്കിനെ മാറ്റ് ഹെന്റി മടക്കി. പിന്നാലെ ഋഷഭ് പന്തും ഹാര്‍ദിക് പാണ്ഡ്യയും ആറാം വിക്കറ്റില്‍ 47 റണ്‍സ് ചേര്‍ത്തു. 56 പന്തുകള്‍ നേരിട്ട് 32 റണ്‍സെടുത്ത ഋഷഭ് പന്തിനെ പുറത്താക്കി മിച്ചല്‍ സാന്റ്‌നറാണ് ഈ കൂട്ടുകെട്ട് പൊളിച്ചത്. അധികം വൈകാതെ 62 പന്തില്‍ നിന്ന് 32 റണ്‍സെടുത്ത ഹാര്‍ദിക് പാണ്ഡ്യയേയും സാന്റ്‌നര്‍ തന്നെ മടക്കി.

ഈ ലോകകപ്പിലെ ഏറ്റവും മികച്ച ബാറ്റ്‌സ്മാനായ രോഹിത് ശര്‍മ്മ മുതല്‍ ഒന്നൊന്നായി കിവീസ് ബൗളര്‍മാര്‍ക്ക് മുന്നില്‍ കീഴടങ്ങിയപ്പോള്‍ ഏഴാം വിക്കറ്റില്‍ ഒത്തുചേര്‍ന്ന ജഡേജ ധോണി സഖ്യമാണ് ഇന്ത്യയെ മത്സരത്തിലേക്ക് തിരികെയെത്തിച്ചത്.

92 റണ്‍സിന് ആറ് വിക്കറ്റ് വീഴ്ത്തിയ ഇന്ത്യയെ സെഞ്ച്വറി കൂട്ടുകെട്ട് നേടിയ ഇരുവരും മുന്നോട്ടുനയിക്കുകയായിരുന്നു.

നാളെ നടക്കുന്ന ഓസ്‌ട്രേലിയഇംഗ്ലണ്ട് രണ്ടാം സെമിയിലെ വിജയികളെയാണ് ന്യൂസിലാന്റ് ഫൈനലില്‍ നേരിടേണ്ടത്.