മലപ്പുറം: പടിഞ്ഞാറ്റുമുറി ഫസ്ഫരി ലൈബ്രറി ആന്‍ഡ് ഗൈഡന്‍സ് സെന്ററിന്റെ ആഭിമുഖ്യത്തില്‍ ഫസ്ഫരി കാംപസില്‍ രണ്ട് ദിവസത്തെ പുസ്തകമേളക്ക് തുടക്കമായി. കുട്ടികളുടെ പുസ്തകങ്ങള്‍ക്കായി മാത്രമുള്ള മേളയില്‍ കേരളത്തിലെ പ്രമുഖ പ്രസാധകരുടെ ബാലസാഹിത്യ കൃതികളെല്ലാം ഒരു കുടക്കീഴില്‍ ഒരുക്കി മലപ്പുറം പേരക്ക ബുക്‌സാണ് മേള ഒരുക്കിയത്.
വായനയുടെ പുതിയ ആകാശങ്ങളിലൂടെ കുട്ടികള്‍ക്ക് ദിശാബോധം പകരുന്ന വിവിധ പരിപാടികളും വിദ്യാര്‍ഥികള്‍ക്കായി സംഘടിപ്പിച്ചു.
കവിതയുടെ പകല്‍, കഥ പിറന്ന സായാഹ്നം, എഴുത്തുകാരുമായി സംവാദവും വിവിധ സാഹിത്യ മത്സരങ്ങളും സംഘടിപ്പിച്ചു.
പുസ്തകമേള ജില്ലാ പഞ്ചായത്ത് മെമ്പര്‍ ടി.പി. അഷ്‌റഫലി ഉദ്ഘാടനം ചെയ്തു.
ആദ്യവില്‍പന ജോയ് മാസ്റ്റര്‍ അതിഥിക്ക് നല്‍കി നിര്‍വഹിച്ചു. ഫസ്ഫരി ചെയര്‍മാന്‍ ഡോ.എം.കെ അബ്ദുല്‍റഹ്മാന്‍ മുബാറക്,
എ.ബഷീറുദ്ധീന്‍ മാസ്റ്റര്‍, ഇ.സി നാസര്‍ മാസ്റ്റര്‍,എന്‍.അബ്ദുസ്സമദ് മാസ്റ്റര്‍,നജീബ് മാസ്റ്റര്‍, സക്കീര്‍ ഹുസൈന്‍(പേരക്ക ബുക്‌സ്).രമേശ് വട്ടിങ്ങാവില്‍,വി.ബഷീര്‍, എന്‍.കെ മുസമ്മില്‍, എന്നിവര്‍ സംബന്ധിച്ചു