കൊണ്ടോട്ടി: ജിദ്ദയില്‍ നിന്നെത്തിയ യാത്രക്കാരന്‍ എമര്‍ജന്‍സി ലാംപില്‍ ഒളിപ്പിച്ചു കടത്തിയ 2.4 കിലോ സ്വര്‍ണം കരിപ്പൂര്‍ എയര്‍കസ്റ്റംസ് വിഭാഗം പിടികൂടി. സഊദി എയര്‍ലൈന്‍സ് വിമാനത്തില്‍ ജിദ്ദയില്‍ നിന്ന് കരിപ്പൂരിലെത്തിയ ചുനങ്ങാട് പുത്തന്‍ പീടിയക്കല്‍ കാസിം(32) എന്നയാളില്‍ നിന്നാണ് സ്വര്‍ണം കണ്ടെത്തിയത്.
രഹസ്യവിവരം ലഭിച്ചതിനെ തുടര്‍ന്ന് ഇയാളെ തടഞ്ഞ് ബാഗിലുണ്ടായിരുന്ന എമര്‍ജന്‍സി ലാംപ് തുറന്ന് പരിശോധിച്ചപ്പോഴാണ് കള്ളക്കടത്ത് കണ്ടെത്തിയത്. 21 സ്വര്‍ണ ബിസ്‌കറ്റുകള്‍ ഇതിനകത്ത് ഒളിപ്പിച്ച നിലയിലായിരുന്നു. പിടികൂടിയ സ്വര്‍ണത്തിന് 80 ലക്ഷം രൂപ വിലവരും.