മുന്നറിയിപ്പുമായി പൊലിസ്
കൊച്ചി: പൊതുസ്ഥലങ്ങളില്‍ പാര്‍ക്ക് ചെയ്യുന്ന വാഹനത്തിനുള്ളില്‍ കുട്ടികളെ ഒറ്റക്കിരുത്തി പുറത്തുപോകുന്നതിനെതിരേ മുന്നറിയിപ്പുമായി കേരള പൊലിസ്. പ്രായപൂര്‍ത്തിയാകാത്ത കുട്ടികളെ വാഹനത്തിനുള്ളില്‍ തനിച്ചിരുത്തുന്ന സംഭവങ്ങള്‍ പല അപകടങ്ങള്‍ക്കും കാരണമാകുമെന്നും കേന്ദ്ര മോട്ടോര്‍ വാഹന നിയമപ്രകാരം ഇത് ശിക്ഷാര്‍ഹമാണെന്നും ഔദ്യോഗിക ഫേസ്ബുക്ക് പേജിലൂടെ പൊലിസ് വ്യക്തമാക്കി.
ഇങ്ങനെ കുട്ടികളെ കാറിലിരുത്തി പോയാല്‍ ശ്വാസതടസം നേരിട്ട് മരണം വരെ സംഭവിക്കാം. സ്റ്റാര്‍ട്ടാക്കി നിര്‍ത്തിയ കാറുകളിലെ ഗിയര്‍, ഹാന്‍ഡ് ബ്രേക്ക് എന്നിവ കുട്ടികള്‍ അബദ്ധത്തില്‍ പ്രവര്‍ത്തിപ്പിച്ചാല്‍ വന്‍ദുരന്തമായിരിക്കും ഉണ്ടാവുക. എ.സി കൂളിങ് കോയലിലെ ചോര്‍ച്ച കാരണവും അപകടമുണ്ടായേക്കാമെന്നും പൊലിസ് മുന്നറിയിപ്പ് നല്‍കുന്നു.