പരപ്പനങ്ങാടി: ശിഹാബ് തങ്ങള്‍ ഫൗണ്ടേഷന്റെ ആംബുലന്‍സ്  സമര്‍പ്പണവും  സുഹൃത്ത് സംഗമത്തിന്റെ ഉദ്ഘാടനവും പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിച്ചു. രക്ഷാധികാരി സയ്യിദ് പി.എസ്.എച്ച് തങ്ങള്‍ അധ്യക്ഷനായി. ഫരീദ് റഹ്മാനി കാളികാവ് മുഖ്യപ്രഭാഷണം നടത്തി.
ശിഹാബ് തങ്ങള്‍ ഫൗണ്ടേഷന്‍ ഖത്തര്‍ ചാപ്റ്റര്‍ ബൈത്തുറഹ്മക്ക് വേണ്ടി നല്‍കുന്ന ഫണ്ട് ഭാരവാഹികള്‍ തങ്ങള്‍ക്ക് കൈമാറി. ഫൗണ്ടേഷന്റെ ഒരു വര്‍ഷത്തെ റിലീഫ് പ്രവര്‍ത്തനങ്ങളുടെ പ്രഖ്യാപനവും ഉന്നത വിജയം നേടിയ വിദ്യാര്‍ഥികള്‍ക്കുള്ള ഉപഹാരവും സ്റ്റേറ്റ് എക്‌സലന്റ് അവാര്‍ഡ് ജേതാവ് എം എച്ച് മുഹമ്മദിനുള്ള ഉപഹാര സമര്‍പ്പണവും തങ്ങള്‍ നിര്‍വഹിച്ചു.
വി.പി കോയഹാജി, അലി തെക്കേപ്പാട്ട്, മുനിസിപ്പല്‍ വൈസ് ചെയര്‍പേഴ്‌സണ്‍ വി.വി ജമീല ടീച്ചര്‍, സി അബ്ദുറഹ്മാന്‍കുട്ടി, എം.എച്ച് മുഹമ്മദ്, എന്‍.വി.പി മുഹമ്മദ്, മുസ്തഫ തറയില്‍, ജന്നാത്ത് അഷ്‌റഫ്, പി.പി കുഞ്ഞാവഹാജി, പി.വി കുഞ്ഞിമരക്കാര്‍, എ സീനത്ത് ആലിബാപ്പു, കെ.എസ് സൈതലവി, എ.പി ഇബ്രാഹിം, ഫൗണ്ടേഷന്‍ ചെയര്‍മാന്‍ കടവത്ത് സൈതലവി, കണ്‍വീനര്‍ ടി മുനീര്‍ സംസാരിച്ചു.