റിയാദ്: സഊദിയെ ലക്ഷ്യമാക്കി യമനിലെ വിമത വിഭാഗമായ ഹൂതികൾ വിക്ഷേപിച്ച ആയുധ ഡ്രോൺ തകർത്തതായി അറബ് സഖ്യ സേന വക്താവ് വ്യക്തമാക്കി. തിങ്കളാഴ്ച്ച ഉച്ചക്ക് ശേഷം തെക്കൻ മേഖലയിലെ സിവിലിയന്മാരെയും വസ്തുക്കളെയും ലക്ഷ്യമിട്ട് ബോംബുമായി പറന്നെത്തിയ ഡ്രോൺ സഊദി നേതൃത്വത്തിലുള്ള അറബ് സഖ്യ സേന തകർക്കുകയായിരുന്നുവെന്ന് സഖ്യ സേന വക്താവ് കേണൽ തുർക്കി അൽ മാലികി അറിയിച്ചു.

     കഴിഞ്ഞ മാസം ഹൂതികൾ നടത്തിയ മിസൈൽ ആക്രമണത്തിൽ സഊദി അരാംകോയുടെ ജിദ്ദയിലെ എണ്ണ സംഭരണി ടാങ്കുകളിൽ ഒന്നിന് തകരാർ സംഭവിച്ചിരുന്നു. ഇറാൻ സഹായത്തോടെ യമനിൽ പ്രവർത്തിക്കുന്ന ഹൂതി വിഭാഗം തുടർച്ചയായി സഊദിക്കെതീരെ ആക്രമണങ്ങൾ നടത്തുകയാണ്.