കണ്ണൂര്‍: ഓള്‍ കേരള കെമിസ്റ്റ് ആന്‍ഡ് ഡ്രഗ്ഗിസ്റ്റിന്റെ നേതൃത്വത്തില്‍ ഔഷധവ്യാപാരികള്‍ 30നു കടയടപ്പുസമരം നടത്തും. ഓണ്‍ലൈന്‍ ഫാര്‍മസിയും ഇ-പോര്‍ട്ടലും നടപ്പാക്കാതിരിക്കുക, ഔഷധ വിലനിയന്ത്രണ ഉത്തരവ് പരിഷ്‌കരിക്കുക, ജോലിക്കാരെ സംരക്ഷിക്കുക, ജി.എസ്.ടിയില്‍ വ്യക്തത വരുത്തുക തുടങ്ങിയ ആവശ്യങ്ങളുന്നയിച്ചാണ് സമരം. സംസ്ഥാനത്തെ 15000ത്തോളം വരുന്ന മൊത്ത, ചില്ലറ മരുന്നു വ്യാപാരസ്ഥാപനങ്ങള്‍ സമരത്തില്‍ പങ്കെടുക്കും. വാര്‍ത്താസമ്മേളനത്തില്‍ ഭാരവാഹികളായ എം.കെ. സെബാസ്റ്റ്യന്‍, ടി. വിജയകുമാര്‍, പി. നിസാര്‍, എം. മനോഹരന്‍, പി. സുധീര്‍ പങ്കെടുത്തു.