കുന്ദമംഗലം: വ്യാജകോഴ്‌സിന്റെ മറവില്‍ കോടികളുടെ തട്ടിപ്പ് നടത്തിയ മര്‍ക്കസ് അധികൃതരുടെ നടപടിക്കെതിരേയും തട്ടിപ്പിനിരയായ വിദ്യാര്‍ഥികള്‍ നടത്തുന്ന അനിശ്ചിതകാല നിരാഹാരസത്യഗ്രഹത്തിന് ഐക്യദാര്‍ഢ്യം പ്രഖ്യാപിച്ചും മര്‍ക്കസ് ഗെയിറ്റിലേക്ക് നടന്ന സര്‍വകക്ഷി റാലി താക്കീതായി. കോണ്‍ഗ്രസ്, സി.പി.ഐ, മുസ്്‌ലിംലീഗ്, ബി.ജെ.പി, എസ്.ഡി.പി.ഐ, വെല്‍ഫയര്‍പാര്‍ട്ടി തുടങ്ങിയ കക്ഷികളുടെ നേതൃത്വത്തിലാണ്  ഇന്നലെ വൈകുന്നേരം അഞ്ചരയോടെ കുന്ദമംഗലം അങ്ങാടിയില്‍ നിന്ന് തുടങ്ങിയപ്രകടനം മര്‍ക്കസ് പ്രധാന കവാടത്തിനടുത്തുള്ള സമരപ്പന്തലനടുത്ത് സമാപിച്ചു. ജലപീരങ്കി അടക്കമുള്ള സംവിധാനങ്ങളുമായി വന്‍ പൊലിസ് സന്നാഹം നിലയുറപ്പിച്ചിരുന്നു. ഡി.സി.സി ജന.സെക്രട്ടറി വിനോദ് പടനിലം ഉദ്ഘാടനം ചെയ്തു. ബാബു നെല്ലൂളി, യൂസുഫ് പടനിലം, ഒ സുഭദ്രന്‍, ഖാലിദ് കിളിമുണ്ട, ഒ ഉസ്സൈന്‍, സി റസാഖ്, അന്‍വര്‍ സാദത്ത് കുന്ദമംഗലം, നട്ടിപ്പിനിരയായ വിദ്യാര്‍ത്ഥികള്‍ക്ക് എത്രയും പട്ടെന്ന് ന്യായമായനഷ്ടപരിഹാരം നല്‍കാന്‍ മര്‍ക്കസ് അധികൃതര്‍ തയ്യാറാകണമെന്നവര്‍ ആവശ്യപ്പെട്ടു.
അതിന് മര്‍ക്കസ് അധികൃതര്‍ തയ്യാറാകുന്നില്ലെങ്കില്‍ നാട്ടുകാരുടെ നേതൃത്വത്തിലുള്ള പൗരസമിതി കൂടുതല്‍ ശക്തമായ പ്രക്ഷോഭത്തിന് നേതൃത്വം നല്‍കുമെന്ന് അവര്‍ പറഞ്ഞു.
അതിനിടെ സി.പി.എമ്മും വിദ്യാര്‍ത്ഥിസംഘടനയും റാലിയില്‍ പങ്കെടുക്കാതെ വിട്ടുനിന്നു.  ഇന്ന് രക്ഷിതാക്കള്‍ സത്യഗ്രഹ സമരം നടത്തും.