മുക്കം: സ്‌കൂളില്‍ ഒരുമിച്ചിരുന്ന് പഠിച്ച സഹപാഠിയുടെ വൃക്ക മാറ്റിവയ്ക്കല്‍ ശസ്ത്രക്രിയക്ക് സഹായം നല്‍കാന്‍ പഴയ കൂട്ടുകാര്‍ വീണ്ടും ഒത്തുകൂടി.
ആനയാംകുന്ന് ഹൈസ്‌കൂളിലെ പൂര്‍വവിദ്യാര്‍ഥി ബിജീഷ് കുവ്വപ്പാറക്കാണ് ഇരു വൃക്കകളും തകരാറിലായതിനാല്‍ വൃക്ക മാറ്റിവയ്ക്കല്‍ ശസ്ത്രക്രിയ നടത്തുന്നത്.1999-ലെ എസ്.എസ്.എല്‍.സി ബാച്ചില്‍പ്പെട്ട കൂട്ടുകാര്‍ വാട്‌സ് ആപ്പ് കൂട്ടായ്മയിലൂടെയാണ് പണം സമാഹരിച്ചത്.
ഒരു ലക്ഷത്തിലധികം വരുന്ന തുക ചികിത്സാ സഹായ കമ്മറ്റി ചെയര്‍മാന്‍ വി.എന്‍ ശുഹൈബിന് പ്രധാനാധ്യാപിക ത്രേസ്യാമ്മ ഫ്രാന്‍സിസ് കൈമാറി. കുഞ്ഞാലി മമ്പാട്ട് അധ്യക്ഷനായി.
എസ്.എസ്.എല്‍.സി പരീക്ഷയില്‍ ഉന്നത വിജയം നേടിയ കെ. ഫാത്തിമ സഫ, കെ.പി.നന്ദന എന്നിവര്‍ക്ക് എ.പി മുരളീധരന്‍ ഉപഹാരങ്ങള്‍ നല്‍കി. പി.കെ ഷെരീഫുദ്ദീന്‍, സൈനുല്‍ ആബിദ്, വിന്നി സംസാരിച്ചു.