ലഖ്‌നൗ: പ്രതിപക്ഷ പാര്‍ട്ടികള്‍ ഭരിക്കുന്ന സംസ്ഥാനങ്ങളിലെ സര്‍ക്കാരുകളെ അസ്ഥിരപ്പെടുത്താന്‍ ബി.ജെ.പി ശ്രമിക്കുന്നുവെന്ന് ബി.എസ്.പി അധ്യക്ഷ മായാവതി. അംഗങ്ങള്‍ പിന്തുണ പിന്‍വലിച്ച് മറുകണ്ടം ചാടുന്ന നടപടി തടയാന്‍ കര്‍ശനമായ നിയമം കൊണ്ടുവരണമെന്നും അവര്‍ ആവശ്യപ്പെട്ടു.
കര്‍ണാടകയിലും ഗോവയിലും കോണ്‍ഗ്രസില്‍ നിന്ന് രാജിവച്ച് ബി.ജെ.പിയിലേക്ക് കൂടുമാറിയ നിയമസഭാംഗങ്ങളുടെ നീക്കത്തോടുള്ള പ്രതികരണമായാണ് മായാവതിയുടെ പരാമര്‍ശം.
കേന്ദ്രത്തില്‍ ബി.ജെ.പി വീണ്ടും ഭരണത്തില്‍ വന്നതോടെ അധികാരവും പണവും ഉപയോഗിച്ച് തെരഞ്ഞെടുക്കപ്പെട്ട സര്‍ക്കാരുകളെ അസ്ഥിരപ്പെടുത്തുകയാണ്. ഇതിനെതിരേ പ്രചാരണം നടത്തുമെന്നും മായാവതി അറിയിച്ചു.