ആലപ്പുഴ: ആലപ്പുഴ പ്രസ് ക്ലബ്ബ് ഭാരതീയ ചികിത്സാവകുപ്പിന്റെയും കേരള ആയുര്‍രക്ഷാ മിഷന്റെയും സഹകരണത്തോടെ മാധ്യമപ്രവര്‍ത്തകര്‍ക്കായി കര്‍ക്കിടക മാസ ആയുര്‍വേദ മെഡിക്കല്‍ ക്യാമ്പ് സംഘടിപ്പിച്ചു.
പ്രസ്സ് ക്ലബ്ബ് ഹാളില്‍ ആലപ്പുഴ നഗരസഭാധ്യക്ഷന്‍ തോമസ് ജോസഫ് ക്യാമ്പ് ഉദ്ഘാടനം ചെയ്തു. പ്രസ്സ് ക്ലബ്ബ് വൈസ് പ്രസിഡന്റ് അംജിത്ത് പി ബഷീര്‍ അധ്യക്ഷത വഹിച്ചു.
ശിവാനന്ദ ഇന്റര്‍ നാഷണല്‍ സ്‌കൂള്‍ ഓഫ് യോഗ ഡയറക്ടര്‍ എം സുരേന്ദ്രന്‍ മുഖ്യപ്രഭാഷണം നടത്തി.
ആയുര്‍ രക്ഷാമിഷന്‍ കേരള ചെയര്‍മാന്‍ ഡോ. വിഷ്ണു നമ്പൂതിരി, എസ്.എം.ഒ. ഡോ. പി.ജി ഗീതദേവി, മെഡിക്കല്‍ ഓഫീസര്‍ ഡോ. ജെ ശ്രീകുമാര്‍, ശ്രീരുദ്ര ആയുര്‍വേദ ആശുപത്രി കണ്‍സല്‍ട്ടന്റ് ഡോ. കെ.ആര്‍ റാബിത്ത്, ഡോ. ഐശ്വര്യ, പത്രപ്രവര്‍ത്തക യൂനിയന്‍ വൈസ് പ്രസിഡന്റ് ജാക്‌സണ്‍ ആറാട്ടുകുളം, ശിവാനന്ദ സ്‌കൂള്‍ ഓഫ് യോഗ ജില്ലാ പ്രസിഡന്റ് ടി വിശ്വന്‍, ജ്യോതി മോഹന്‍ തുടങ്ങിയര്‍ പങ്കെടുത്തു. മുഹമ്മ വിശ്വഗാജി മഠാധിപതി സ്വാമി അസ്പര്‍ശാനന്ദ കര്‍ക്കടക കഞ്ഞി വിതരണം ചെയ്തു.
പ്രസ് ക്ലബ്ബ് ജോയിന്റ് സെക്രട്ടറി പി അഭിലാഷ് സ്വഗതവും ആരോഗ്യ വിഭാഗം കണ്‍വീനര്‍ ടി.കെ അനില്‍കുമാര്‍ നന്ദിയും പറഞ്ഞു. ഗുഫിക്ക് ബയോസയന്‍സ് ലിമിറ്റഡ് ആയൂര്‍വ്വേദ ഫാര്‍മസ്യൂട്ടിക്കല്‍ ഏര്‍പ്പെടുത്തിയ അസ്ഥിത സാന്ദ്രത പരിശോധനയും ക്യാംപിന്റെ ഭാഗമായി നടന്നു.