അങ്ങാടിപ്പുറം: ജൂലൈ 20 മുതല്‍ 24 വരെ തായ്‌ലന്‍ഡിലെ ബാങ്കോക്കില്‍ നടക്കുന്ന ഏഷ്യന്‍ ഗുസ്തി ചാംപ്യന്‍ഷിപ്പില്‍ ഇന്ത്യക്കായി മത്സരിക്കാന്‍ മലയാളി താരവും. മലപ്പുറം ജില്ലയിലെ പരിയാപുരത്തുള്ള റോസ് മരിയ പുതുപ്പറമ്പിലാണ് ഇന്ത്യക്കായി ഗോദയിലിറങ്ങുന്നത്. സബ്ജൂനിയര്‍ വിഭാഗത്തില്‍ 70 കിലോയിലാണ് താരം മത്സരിക്കുന്നത്. ആന്ധ്രപ്രദേശിലെ ചിറ്റൂരില്‍ നടന്ന ദേശീയ ചാംപ്യന്‍ഷിപ്പില്‍ റോസ് മരിയ കേരളത്തിന് വേണ്ടി വെള്ളി മെഡല്‍ നേടിയിരുന്നു. പരിയാപുരം സ്വദേശികളായ പുതുപറമ്പില്‍ സജിയുടേയും ബിന്ദുവിന്റേയും മകളാണ്.