ടൊറന്റോ: വിലക്ക് നീങ്ങി കളത്തിലേക്ക് തിരിച്ചെത്തിയ റഷ്യന്‍ ടെന്നീസ് താരം മരിയ ഷറപ്പോവയ്ക്ക് റോജേഴ്‌സ് കപ്പില്‍ വൈല്‍ഡ് കാര്‍ഡ് എന്‍ട്രി. ഉത്തേജക മരുന്നുപയോഗം തുറന്നു പറഞ്ഞതിനെ തുടര്‍ന്ന് ഇളവുകളോടെ 15 മാസത്തെ മാത്രം വിലക്ക് നേരിട്ടാണ് താരം വീണ്ടും കളത്തില്‍ തിരിച്ചെത്തിയത്. നേരത്തെ ഫ്രഞ്ച് ഓപണില്‍ പങ്കെടുക്കുന്നതിനായി താരം വൈല്‍ഡ് കാര്‍ഡിന് അപേക്ഷിച്ചിരുന്നെങ്കിലും ഫ്രഞ്ച് ഓപണ്‍ അധികൃതര്‍ അനുവാദം നല്‍കാതിരുന്നത് വാര്‍ത്തയായിരുന്നു.