പറ്റ്‌ന: ബി.എസ്.പി നേതാവ് മായാവതിക്കെതിരേ വിവാദ പരാമര്‍ശം നടത്തിയ മുന്‍ ബി.ജെ.പി നേതാവ് ദയാശങ്കര്‍ സിങിനെ പൊലിസ് അറസ്റ്റു ചെയ്തു. ഒളിവിലായിരുന്ന ദയാശങ്കറിനെ ബിഹാറിലെ ബക്‌സറില്‍ നിന്നാണു അറസ്റ്റു ചെയ്തത്.
ഒരാഴ്ചയായി ഇയാള്‍ ഒളിവിലായിരുന്നു. ഉത്തര്‍പ്രദേശ് പൊലിസിന്റേയും ബിഹാര്‍ പൊലിസിന്റേയും സംയുക്തമായ ഇടപെടലിനെ തുടര്‍ന്നാണ് ദയാശങ്കര്‍ അറസ്റ്റിലായത്.
ഝാര്‍ഖണ്ഡിലെ ഒരു ക്ഷേത്രത്തില്‍ ദയാശങ്കര്‍ സിങ് ദര്‍ശനത്തിനെത്തിയ ചിത്രങ്ങള്‍ കഴിഞ്ഞ ദിവസം പുറത്തു വന്നിരുന്നു. പ്രാദേശിക ബി.ജെ.പി നേതാക്കള്‍ക്കൊപ്പമുള്ള സിങിന്റെ ചിത്രമായിരുന്നു കഴിഞ്ഞ ദിവസം പുറത്തുവന്നത്.
വിവാദപരാമര്‍ശങ്ങള്‍ക്ക് പിന്നാലെ സിങിനെതിരേ ബി.ജെ.പി നടപടി സ്വീകരിച്ചിരുന്നു.
പാര്‍ട്ടിയുടെ എല്ലാ ഔദ്യോഗിക പദവികളില്‍ നിന്നും ആറു വര്‍ഷത്തേക്ക് പുറത്താക്കുകയായിരുന്നു